Во текот на изминатото деноноќие полициски службеници на повеќе локации низ државата лишиле од слобода 11 лица, откако кај нив била пронајдена дрога.
Во Скопје биле приведени шест лица, од кои четворица скопјани и двајца државјани на Германија, кај кои биле пронајдени бела прашкаста материја, марихуана и дробилка со остатоци од марихуана.
На Граничниот премин Табановце бил приведен 39-годишен жител на радовишкото село Калуѓерица, откако при контрола на товарно возило во кабината била пронајдена марихуана.
На Граничниот премин Деве Баир, пак, бил лишен од слобода 38-годишен државјанин на Перу, кај кого при контрола во автобус биле пронајдени марихуана и ризли.
Во Тетово биле приведени уште три лица од селото Долно Палчиште, кај кои полицијата пронашла марихуана и дробилка.
Од МВР информираат дека по целосно документирање на случаите против сите лица ќе бидат поднесени соодветни поднесоци.
