11 лица приведени во акции против дрога, таблети пронајдени и во Идризово

Во полициски акции спроведени во изминатото деноноќие низ повеќе градови во државата, вкупно 11 лица биле лишени од слобода поради поседување дрога, додека при претрес во Казнено-поправната установа „Идризово“ кај осуденик биле пронајдени таблети, соопшти Министерството за внатрешни работи.

— реклама —

Во Скопје, на различни локации, полициски службеници привеле седум лица – М.Т. (37), З.Т. (25), И.Д. (31), Б.Ј. (20), М.Г. (20), Ш.Б. (33) од село Инџиково и Е.Н. (25) од село Кондово, откако кај нив биле пронајдени и одземени прашкаста материја, бела грутчеста материја и марихуана.

Во Гостивар, во близина на бензинска пумпа на улицата „101“, бил приведен 18-годишниот Л.Ќ., кај кого при преглед била пронајдена марихуана.

— реклама —

Во Казнено-поправната установа „Идризово“, при претрес извршен за време на посета на осуденикот С.М. (32) од Штип, биле пронајдени и одземени таблети.

— реклама —

Во Битола, на улицата „Тепсија“, полициски службеници го лишиле од слобода Б.Б. (20), кај кого при преглед била пронајдена марихуана.

Во Прилеп, на локалитетот Вештачко езеро, приведени биле Ш.О. (41), државјанин на Турција со привремен престој во Прилеп, и Ф.И. (27) од Прилеп. При контрола на автомобил „мерцедес“ во кој се превезувале, полицијата пронашла прашкаста материја.

— реклама —

Од МВР информираат дека по целосното документирање на сите случаи, против приведените ќе бидат поднесени соодветни поднесоци.