12-годишно момче прободено со остар предмет во Шуто Оризари

Дванаесетгодишно момче од Скопје било повредено со остар предмет во инцидент што се случил во населбата Шуто Оризари, информира Министерството за внатрешни работи.

— реклама —

Од МВР соопштија дека на 3 јули во 14:53 часот од ЈЗУ „Св. Наум Охридски“ – Скопје било пријавено дека кај нив со повреди од остар предмет бил донесен 12-годишник од Скопје. Според пријавеното, повредите му ги нанел друг малолетник истиот ден околу 13:00 часот на подрачјето на Шуто Оризари.

— реклама —

— реклама —

Во врска со истиот случај, истата вечер во 23:55 часот, во Полициското одделение Шуто Оризари, 36-годишната С.А. од Скопје пријавила дека и нејзиниот малолетен син бил физички нападнат од четворица малолетници, при што еден од нив му нанел повреда со остар предмет.

— реклама —

Од МВР велат дека се преземаат мерки и активности за целосно расчистување на случајот.