128 санкционирани возачи за еден ден во Скопје, 102 казнети за брзо возење

Вкупно 128 возачи биле санкционирани во текот на вчерашната сообраќајна контрола во Скопје, од кои 102 поради управување возило со брзина поголема од дозволената, информира Министерството за внатрешни работи.

— реклама —

Акцијата била спроведена на 12 октомври, во периодот од 6 до 22 часот, од страна на Одделението за безбедност на патниот сообраќај при СВР Скопје.

— реклама —

Покрај казните за пребрзо возење, полициските службеници изрекле и 26 други мерки за прекршоци утврдени со Законот за безбедност на сообраќајот на патиштата.

— реклама —

Од МВР посочуваат дека сите што ги прекршиле сообраќајните правила ќе се соочат со законски предвидените глоби. Сообраќајните контроли ќе продолжат и во наредните денови.

Од полицијата упатуваат апел до сите учесници во сообраќајот да ги почитуваат правилата и прописите и да придонесат за поголема безбедност на патиштата.