135 возила отстранети поради непрописно паркирање во Општина Центар

Вкупно 135 непрописно паркирани возила биле отстранети од улиците на Општина Центар во периодот од 5 до 11 октомври, информираат од ЈП „Паркинзи на Општина Центар“ (ПОЦ).

— реклама —

Возилата биле отстранети со специјалните возила „Пајак“, бидејќи го попречувале нормалното и безбедно одвивање на сообраќајот.

— реклама —

— реклама —

Од претпријатието посочуваат дека за долгорочно решавање на сообраќајниот метеж и проблемот со неправилното паркирање е неопходно подигнување на сообраќајната култура.

ПОЦ најавува дека и во наредниот период ќе продолжи секојдневно да ги отстранува непрописно и несовесно паркираните автомобили на територијата на Општина Центар, со цел да се зголеми свеста кај возачите и да се подобри безбедноста во сообраќајот.