14-годишник нападнал осумгодишно дете во Гостивар, претходно жртва била и неговата сестра

Случај на врсничко насилство е пријавен во Гостивар, откако мајка пријавила дека нејзиниот осумгодишен син бил физички нападнат од малолетник од истата населба.

— реклама —

Од СВР Тетово информираат дека на 17 јуни во 15:30 часот во ОВР Гостивар, Г.Е. (29) од селото Чајле, со престој во Гостивар, пријавила дека околу пладне во дворот на станбена зграда на улицата „Никола Парапунов“, каде што живее, нејзиниот осумгодишен син бил физички нападнат од 14-годишен малолетник.

— реклама —

— реклама —

Според пријавата, истиот малолетник и претходно физички ја нападнал нејзината осумгодишна ќерка.

— реклама —

За случајот е известен Центарот за социјални работи во Гостивар, а надлежните институции преземаат мерки за целосно расчистување и документирање на настанот.