Петнаесетгодишен малолетник од Гостивар е лишен од слобода откако полицијата го затекнала како управува автомобил без да поседува возачка дозвола.
Од МВР информираат дека случајот се случил на 3 септември околу 21:50 часот на улицата „Младен Симоноски“ во Гостивар. Полициски службеници од ОВР Гостивар го запреле малолетникот, кој управувал патничко возило „тојота“ со гостиварски регистарски ознаки.
Според полицијата, 15-годишникот управувал со возилото пред воопшто да се стекне со право да полага возачки испит, односно без возачка дозвола.
Возилото е одземено, а по целосното документирање на случајот против малолетникот ќе биде поднесен соодветен поднесок.
