Тепачка пред училиште во Тетово – малолетник повредил две лица, пронајдени нож и штрафцигер на местото

На 29.04.2026 година, полициски службеници од СВР Тетово лишиле од слобода 15-годишник од село Желино, постапувајќи по пријава добиена од Клиничката болница Тетово.

— реклама —

Според информациите, истиот ден околу 16:40 часот во болницата биле донесени две лица на возраст од 19 и 18 години со повреди од остар предмет. По преземени мерки, било утврдено дека инцидентот се случил пред средно училиште во Тетово, каде тројцата биле инволвирани во физички напад со употреба на остар предмет.

— реклама —

— реклама —

Во настанот повреди здобил и 15-годишникот, кој подоцна бил идентификуван и лишен од слобода. При увидот на местото на настанот биле пронајдени нож и штрафцигер.

За случајот е известен јавен обвинител, а по целосно документирање ќе следува соодветна пријава.