159 сообраќајни несреќи во Албанија за еден месец: 22 загинати и 229 повредени

Во Албанија во текот на август биле регистрирани 159 сообраќајни несреќи, во кои животот го загубиле 22 лица, а 229 биле повредени, објавуваат медиумите во Тирана.

— реклама —

Од повредените, 32 лица се здобиле со тешки, а 175 со полесни повреди. Според податоците, лицата на возраст од 25 до 34 години најчесто биле учесници во сообраќајните несреќи, додека најголем број несреќи биле регистрирани во недела.

— реклама —

Брзото возење, управувањето со возило под дејство на алкохол и непочитувањето на сообраќајните правила и понатаму се меѓу главните фактори за несреќите со фатални последици.

— реклама —

Албанската државна полиција ја промени стратегијата за контрола на патиштата, со поголема употреба на технологија, но според податоците, бројот на несреќите не се намалил.

Само во август полицијата изрекла повеќе од 47.000 сообраќајни казни. И покрај зголемувањето на дел од глобите, по измените на сообраќајниот законик, прекршувањата на правилата и натаму се сериозен проблем.