17-годишна девојка била малтретирана од невенчаниот сопруг и неговото семејство

17-годишна девојка од гостиварско пријавила дека во изминатиот период била изложена на закани, како и на физичко и психичко малтретирање од страна на нејзиниот невенчан сопруг и членови на неговото семејство.

— реклама —

Случајот бил пријавен на 6 октомври во Полициското одделение Ростуше, при што девојката била во присуство на родител.

— реклама —

Според пријавата, во малтретирањето и заканите биле вклучени нејзиниот невенчан сопруг И.У. (23), неговата мајка Д.У. (53) и неговата 15-годишна сестра, сите од село во гостиварско.

— реклама —

Истиот ден, полициски службеници од Полициското одделение Ростуше ги лишиле од слобода И.У., Д.У. и малолетничката.

— реклама —

Од МВР информираат дека по целосното расчистување и документирање на случајот ќе биде поднесена соодветна пријава.