Седумнаесетгодишен малолетник од Пробиштип се здобил со тешки телесни повреди во сообраќајна несреќа што се случила вчера попладне на улицата „Јордан Стојанов“ во Пробиштип.
Како што информираат од Министерството за внатрешни работи, на 25 јуни околу 15:10 часот во ОВР Пробиштип било пријавено дека малолетникот, управувајќи мопед со пробиштипски регистарски ознаки, удрил во патничко возило „Хјундаи“ со битолски регистарски ознаки, кое било запрено и управувано од С.С. (52) од Пробиштип.
По несреќата, возачот на мопедот бил пренесен во Клиничката болница во Штип, каде што му биле констатирани тешки телесни повреди.
Увид на местото на настанот извршила увидна екипа од ОВР Пробиштип.
