17 возачи се лишени од слобода поради безобѕирно управување со моторно возило

Во текот на изминатото деноноќие полициски службеници привеле 17 возачи низ државата поради безобѕирно управување со возила, информира Министерството за внатрешни работи.

— реклама —

Според МВР, шестмина возачи од Крива Паланка, Куманово, Делчево и Радовиш биле фатени како управуваат возило под дејство на алкохол. Возач од Радовиш предизвикал и сообраќајна несреќа, по што го напуштил местото на настанот.

— реклама —

Осум возачи од Скопје, Делчево, Гевгелија, Богданци, Прилеп и Македонски Брод управувале без возачка дозвола, додека еден возач од Кочани возел и покрај активна забрана.

— реклама —

Во Кавадарци бил приведен мотоциклист кој возел нерегистриран мотор без возачка дозвола, а во Демир Хисар полицијата затекнала возач кој бил и без дозвола и под дејство на алкохол.

— реклама —

Од Министерството за внатрешни работи апелираат до граѓаните да ги почитуваат сообраќајните правила, нагласувајќи дека возењето под дејство на алкохол, без дозвола или спротивно на забрана претставува сериозен ризик за безбедноста во сообраќајот.