Трагично заврши осмата етапа на велосипедската трка „Волта а Португал“ во Португалија, откако 19-годишниот британски велосипедист Финли Тарлинг загина во тешка сообраќајна несреќа.
Според португалските медиуми, Тарлинг се судрил директно со возило кое не било дел од трката и се движело во спротивна насока. Несреќата се случила на делницата долга 166,8 километри, од Мелгако до Фафе.
Трката веднаш била прекината, а церемонијата за доделување на наградите била откажана.
Тарлинг настапувал за развојниот тим на „НСН“ кога се случила несреќата.
„Срцето ни е скршено и со огромна тага соопштуваме дека Финли Тарлинг денеска почина на „Волта а Португал“. Фин беше многу сакан член на нашиот тим, но пред сè беше син, брат и пријател. Многу ќе ни недостига“, соопштија од тимот.
