415 нови паркинг-места во Мичурин и Стар Аеродром: се подготвува нов сообраќаен режим

Општина Аеродром подготвува ново сообраќајно решение за Мичурин и Стар Аеродром, со кое се предвидува поинаква организација на сообраќајот, воведување еднонасочни улици, изградба на нови паркинг-места и велосипедски патеки.

— реклама —

Проектот ги опфаќа улиците „Владимир Комаров“ и „Симеон Кавракиров“, а со планираните измени треба да се овозможи поефикасно искористување на уличниот простор и поорганизирано движење на возилата, велосипедистите и пешаците.

— реклама —

Во рамките на новиот сообраќаен режим се предвидени вкупно 415 нови паркинг-места. Од нив, приближно 200 ќе бидат во Стар Аеродром, а 215 во Мичурин.

— реклама —

Со новата организација, според Општина Аеродром, јавниот простор ќе биде подобро распределен меѓу различните учесници во сообраќајот, со повеќе можности за паркирање и подобри услови за велосипедскиот сообраќај.

— реклама —

Целта е да се создаде поорганизиран, пофункционален и побезбеден сообраќај, како и подобро уреден јавен простор и поквалитетни услови за секојдневно функционирање на граѓаните.