43-годишен маж пронајден починат во автосервис во Битола

43-годишен жител на Битола бил пронајден починат во автосервис на улицата „Македонска Фаланга“ во Битола.

— реклама —

Според информациите од МВР, на 28 септември во 9 часот полициски службеници од СВР Битола извршиле увид на местото, по претходна пријава дека во автосервисот било пронајдено телото на Ф.Е. (43) од Битола.

— реклама —

— реклама —

Лекар од Итната медицинска помош од Битола констатирал смрт без видливи траги на насилство.

Јавен обвинител наредил да се изврши обдукција врз починатиот, со цел да се утврдат околностите и причината за смртта.