67-годишник нападнал 11-годишно дете во училишен двор

Шеесет и седумгодишен жител на тетовското село Палатица бил приведен откако бил пријавен дека физички нападнал 11-годишно дете во дворот на основното училиште во селото, при што, според пријавата, употребил и тврд предмет.

— реклама —

Според информациите од СВР Тетово, на 14 јуни 2026 година во 22:45 часот, полициски службеници од Полициското одделение Групчин го лишиле од слобода З.Р. (67) од село Палатица.

— реклама —

Тој бил пријавен од Н.С. (40) од истото село, кој навел дека околу 18:00 часот, во дворот на основното училиште во Палатица, осомничениот физички го нападнал неговиот 11-годишен син, при што употребил и тврд предмет.

— реклама —

Осомничениот е задржан во полициска станица, а по целосното расчистување и документирање на случајот против него ќе следува соодветен поднесок.

— реклама —

Полицијата презема мерки за утврдување на сите околности поврзани со инцидентот.