68-годишна жена тешко повредена во сообраќајка на две возила

Шеесет и осумгодишна жена се здобила со тешки телесни повреди, а 67-годишен маж со телесни повреди во сообраќајна несреќа што се случила во Свети Николе.

— реклама —

Според информациите од Министерството за внатрешни работи, на 8 јуни во 10:45 часот во ОВР Свети Николе било пријавено дека на крстосницата меѓу улиците „Крсте Мисирков“ и „Кочо Рацин“ се случил судир помеѓу патничко возило „шкода“ со светиниколски регистарски ознаки, управувано од Т.Д. (41) од Свети Николе, и патничко возило „фолксваген“ со кочански регистарски ознаки, кое го управувал И.А. (47) од селото Облешево, општина Чешиново-Облешево.

— реклама —

Во несреќата, 68-годишната М.М., која била сопатничка во возилото „шкода“, се здобила со тешки телесни повреди, додека другиот сопатник Д.М. (67), исто така од Свети Николе, се здобил со телесни повреди.

— реклама —

Повредите биле констатирани во Клиничката болница во Штип, каде што им била укажана лекарска помош.

— реклама —

Увид на местото на несреќата извршила увидна екипа од ОВР Свети Николе, а надлежните работат на утврдување на причините и околностите под кои се случил судирот.