Седумдесетгодишен жител на Осиек останал без повеќе од 170.000 евра откако речиси девет месеци уплаќал пари, верувајќи дека инвестира во злато и акции со висока заработка.
Како што соопшти хрватската полиција, истрагата покажала дека од септември 2025 до крајот на мај 2026 година, пензионерот бил во контакт со непознато лице кое лажно се претставувало како директор на компанија и му ветувало голем финансиски профит преку вложување во злато и акции.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Во текот на комуникацијата, оштетениот во повеќе наврати уплаќал средства на различни банкарски сметки со надеж дека ќе оствари добивка и ќе ги поврати вложените пари. Вкупната штета надминала 170.000 евра.
Полицијата во Осиечко-барањската жупанија трага по сторителот и против него ќе биде поднесена кривична пријава до надлежното обвинителство во Осиек.
Од полицијата апелираат граѓаните да бидат внимателни и да не уплаќаат пари без претходно да ја проверат веродостојноста на лицата и компаниите со кои комуницираат.
