Нови информации за автобуската несреќа во Хрватска: Петмина од повредените се отпуштаат на домашно лекување

Петмина од повредените во тешката автобуска несреќа на автопатот А3 во Хрватска наскоро ќе бидат пуштени на домашно лекување, бидејќи нивната здравствена состојба е добра. Останатите пациенти ќе продолжат да се лекуваат во болница, соопшти министерката за здравство Ирена Хрстиќ.

— реклама —

Таа информираше дека од вкупно 11 повредени лица кои биле задржани на болничко лекување, петмина ќе бидат отпуштени, додека другите ќе останат под лекарски надзор. Изјавата ја даде на конференцијата „Здравствени предизвици на денешницата“.

— реклама —

— реклама —

Несреќата се случи во неделата на автопатот А3, во близина на Иваниќ Град, кога автобус на српскиот превозник „Ниш-експрес“, кој сообраќал на релација Белград – Загреб, излетал од автопатот и се превртел.

— реклама —

Во автобусот имало 35 лица. Во несреќата загинале две лица, а 33 биле повредени, од кои шестмина се здобиле со тешки повреди.