72-годишен мопедист тешко повреден во сообраќајка во Кочани, возел мопед без право на управување

Седумдесет и двегодишен жител на Кочани се здобил со тешки телесни повреди во сообраќајна несреќа што се случила вчера наутро на улицата „Никола Карев“ во градот.

— реклама —

Според информациите од МВР, несреќата била пријавена на 19 октомври во 8:50 часот, а во неа учествувале автомобил „сеат“, управуван од 36-годишната Р.З. од кочанското село Грдовци, и мопед управуван од 72-годишниот Р.Ј. од Кочани.

— реклама —

— реклама —

Повредениот мопедист добил лекарска помош во Итната медицинска помош во Кочани. При увидот било утврдено дека тој управувал со мопедот пред да се стекне со право на управување.

Од МВР информираат дека по целосното документирање на случајот против него ќе биде поднесена соодветна пријава.