72-годишен возач со мерцедес удрил 50-годишен пешак во Скопје

Педесетгодишен скопјанец се здобил со тешки телесни повреди откако во него удрил автомобил на булеварот „Никола Карев“ во Скопје.

— реклама —

— реклама —

Според информациите од Министерството за внатрешни работи, несреќата била пријавена на 28 октомври во 20:40 часот. Во пешакот удрило патничко возило „мерцедес“ со скопски регистарски ознаки, управувано од 72-годишниот Ф.А. од Скопје.

— реклама —

Повредениот бил пренесен во Ургентниот центар при комплексот клиники „Мајка Тереза“, каде што му биле констатирани тешки телесни повреди. Увид на местото на несреќата извршила екипа на СВР Скопје.