Папата Франциско во документарц, кој денеска беше премиерно прикажан, изјави дека геј-луѓето треба да може да го легализираат своето партнерство, пренесува „Ројтерс“. Тоа е една од неговите најдиректни изјави за поддршка на хомосексуалците.
„Хомосексуалците имаат право да бидат семејство. Тие се божји деца и имаат право на семејство“, рече папата во изјавата.
Папата Франциско овие ставови ги претстави во документарниот филм „Франческо“, што беше прикажан денеска на Филмскиот фестивал во Рим и се занимава со ликот и делото на сегашниот папа.
