Силно невреме пропратено со дожд и град го погодил Крит и јужниот дел на Грција. Медиумите и социјалните мрежи објавуваат видеа и фотографии од улици покриени со снег и мраз како да е среде зима.
Како што објавија грчките медиуми, улиците на островот Крит се целосно покриени со мраз, а освен тоа што се уништени маслинките и разните овоштарници, настрадале и голем број птици.
Во Неа Аликарнасос голем број возила биле потопени, а на некои улици нивото на водата се искачило на 80 сантиметри.
