Петнаесет заболени со новиот вид на коронавирус што се појави во Велика Британија се откриени во Турција, соопшти денеска турското Министерство за здравство.
Министерот Фахретин Коча изјави дека станува збор за патници кои пристигнале од Велика Британија и додаде дека сите се во карантин.
Турските власти од минатата недела бараат негативен тест за коронавирус за сите патници кои влегуваат во земјата.
