Зеленски: Русија продолжи со ракетните напади во четири часот
Украинскиот претседател Владимир Зеленски изјави дека Русија продолжила со ракетните напади и денеска, во четири часот наутро, но и дека руските трупи биле запрени да напредуваат во повеќето правци, пренесе Ројтерс.
Во телевизиски говор, тој рече дека руските напади биле насочени и кон воени и кон цивилни цели.
Во четири часот наутро се огласија сирените во украинскиот град Лавов.
Би-Би-Си го објави украинскиот онлајн весник „Украинска правда“, кој пишува дека украинските воени сили уништиле мост во близина на Иванкив на периферијата на Киев за да спречат руски тенкови да напредуваат понатаму во градот.
Во исто време, американската амбасада во Киев ги повика сите американски граѓани во Украина веднаш да ја напуштат земјата со секое превозно средство.
