„Запорожје е засекогаш изгубен за Украина“, вели Рогов
Членот на главниот совет на регионалната администрација на регионот Запорожје, на југот на Украина, Владимир Рогов оцени дека регионот Запорожје е засекогаш изгубен за Украина и дека властите во Киев треба да се помират со тоа.
Рогов за РИА Новости изјави дека мнозинството жители на регионот Запорожје својата иднина ја гледаат како дел од Русија.
„Затоа почнавме со подготовките за референдумот. Планот е да се формираат изборни комисии. Режимот на Зеленски сфаќа дека ќе загуби на овој референдум, па ја користи последната можност да го заплаши населението со гранатирање и терористички напади“, рече Рогов.
Тој додаде дека нема да има одложување на референдумот, туку дека основата за негово одржување е безбедноста.
Претходно беше објавено дека референдумот за влез на Запорожје во Руската Федерација би можел да се одржи на почетокот на есента, веројатно во првата половина на септември.
Регионот Керсон и дел од регионот Запорожје во регионот околу Азовското Море, на југот на Украина, се под контрола на руските сили, пренесе РТВ.
