НАТО: „КФОР е подготвен да интервенира“
Заменик генералниот секретар на НАТО, Мирчеа Џоан, разговараше со специјалниот претставник на Европската унија за дијалог меѓу Белград и Приштина, Мирослав Лајчак.
Џоан во објава на Твитер наведе дека Косово и Србија мора да покажат воздржаност и да спречат ескалација.
„Разговаравме со специјалниот претставник на ЕУ, Мирослав Лајчак, за тензичната ситуација на северот на Косово. И Белград и Приштина мора да покажат воздржаност и да спречат ескалација. КФОР останува буден и подготвен да интервенира во случај стабилноста да биде загрозена“, напиша тој.
Spoke to 🇪🇺 Special Representative @MiroslavLajcak about the tense situation in northern Kosovo. Both Belgrade & Pristina must show restraint & prevent escalation. @NATO_KFOR remains vigilant & ready to intervene should stability be jeopardised.
— Mircea Geoana (@Mircea_Geoana) November 5, 2022
Кфор вчера, по повод ситуацијата на Косово и Метохија, повика на конструктивен дијалог и порача да ја следи ситуацијата и тесно да соработува со лидерите на Белград и Приштина, како и со меѓународните партнери, со цел да се зачува безбедната срединa за сите граѓани на Косово.
На Инстаграм, Кфор ги повика сите страни да ги решат несогласувањата и да разговараат за нив преку конструктивен дијалог.
„Донесете напредок во општеството! Изразете ги своите мислења на мирен начин и барајте компромиси“, рече Кфор.
Претходно заменик-генералниот секретар на НАТО Мирчеа Џоан изјави дека КФОР е подготвен да интервенира доколку се загрози стабилноста на северот на Република Косово и ги повика Белград и Приштина „да покажат воздржаност и да спречат ескалација“.
