Левица и СДС коалицијата од Скопје ја проширија и во други општини, вели ВМРО-ДПМНЕ
![](https://skopje1.mk/wp-content/uploads/2018/12/Levica.jpg)
Коалицијата СДС и Левица како по правило не дава поддршка на буџетот во општините кај што градоначалниците со од ВМРО-ДПМНЕ. Ова покажува дека коалицијата од градот Скопје се префрла и во други општини. Таков е примерот и со општина Прилеп кај што советниците на Левица и СДС сложно одбија да дадат поддршка на буџетот за 2023 година со кој се предвидува рехабилитација на 50 улици, изградба на кружен тек во центарот на Прилеп и катна гаража. Советниците на Левица и СДС беа против изградба на доводен цевковод во село Канатларци, но и против други проекти во интерес на граѓаните, вели ВМРО-ДПМНЕ
„Колку и да глумат, координирана активност во советите во другите општини ги издава.
Не даваат поддршка на изградба на западен булевар во Гевгелија, а во Охрид не даваат подршка на реконструкција на улици, 15 детски игралишта, 2 мултифункционални игралишта, а беа и против нова опрема и механизација за јавните претпријатија. Во Бутел не дадоа поддршка на уредување на кејот на река Серава, а во Свети Николе не дадоа поддршка на дваесет милиони за нови улици, водоводи и канализациски системи. Во Аеродром сложно одбија да дадат поддршка на нови детски градинки и паркови, а во Велес не беа за инвестирање на 1,5 милиони евра во нови улици и патишта.
Очигледно лепакот на Тачела коалицијата во Скопје се проширил и во другите места. Развојните буџети во општините не им чинат ама затоа им чини ортаклукот во Скопје и скопските јавни претпријатија. Оваа коалиција е деструктивна и не работи во интерес на граѓаните“, се вели во соопштението.
![](https://skopje1.mk/wp-content/uploads/2022/01/2222.png)