Договорот ФРОНТЕКС, ВМРО-ДПМНЕ не мора да се извини само да го поддржи, вели СДСМ
Договорот со ФРОНТЕКС е еден од најсилните докази дека македонскиот јазик е признаен од ЕУ и тоа со чиста формулација, без додавки и фусноти, како што тоа беше случај пред десеттина години, вели СДСМ
„Со тоа потонаа сите лаги и хистерии што ги ширеше ВМРО-ДПМНЕ дека македонскиот јазик ќе бил загрозен, немало да биде признаен од ЕУ дека ќе станел бугарски дијалект.
Не мора од ВМРО-ДПМНЕ да им се извинат на граѓаните за сите лаги околу македонскиот јазик и идентитет, со кои грубо ја манипулираа јавноста.
Сега, кога на дневен ред во Собранието е ратификацијата на договорот со ФРОНТЕКС ВМРО-ДПМНЕ имаат шанса да го поддржат, со што барем малку ќе го исперат срамот од лажните вести, навредите и клеветите.
Имаат прилика преку гласање за ратификација на Договорот, на дело да го поддржат евроинтегративниот процес, како стратешка цел и единствена алтернатива на државата“, се вели во соопштението.
