Портпаролот на ВМРО-ДПМНЕ потсети дека Абдиовски е во бегство десет дена, бегалецот му стави „лајк“ на постот
Портпаролот на ВМРО-ДПМНЕ, Наум Стоилковски тврди дека добил „лајк“ на Фејсбук од Нафи Абдиовски – осуденикот од затворот во Шуто Оризари за кого тој вчера на прес-конференција рече дека е во бегство повеќе од 10 дена.
„Па има ли поголем срам за државата!? Човекот за кого денеска држев прес- конференција дека избегал од затвор, ми става „ЛАЈК” на статуси, од слобода и во бегство! Сокол одма оставка! Оливер одма оставка! Ужас!“, напишал Стоилковски на Фејсбук и постирал слика од лајкот.
Според Стоилковски, осуденикот Нафи Абдиовски бил „чест гостин во Владата на СДС, со еден убав албум фотографии во прегратки со министерот за внатрешни работи Оливер Спасовски, првиот вицепремиер Артан Груби, во премиерскиот кабинет на Зоран Заев, фотографиии со претседателот на Собрание, фотографија со Стево Пендаровски“.
