Британското министерство: „Москва изгради големи воени одбранбени објекти во Русија и Украина“
Од
Објавено на
Од минатото лето, Русија изгради некои од најголемите системи на воени одбранбени објекти на глобално ниво во последните неколку децении, во областите што ги контролира во Украина, како и во нејзините погранични региони, соопшти британското Министерство за одбрана.
Британското министерство, во најновиот разузнавачки извештај за војната во Украина, истакна дека Русија направила посебни напори за зајакнување на северната граница на окупираниот Крим, како и ископала стотици километри ровови во руската територија, вклучително и регионите Белгород и Курск.
Министерството на „Твитер“ објави дека Русија веројатно тие потези ги оправдувала со закани од Украина и НАТО.
