Се појавија снимки од екранот на она што се верува дека е последната комуникација од подморницата Титан пред нејзиното трагично уништување.
Снимката наводно ги покажува последните зборови на член на екипажот на подморницата, веројатно шефот на OceanGate, Стоктон Раш, и тимот на матичниот брод Polar Prince, пренесува Indy100.com.
Документот предизвика загриженост, главно затоа што се чини дека патниците биле свесни дека има проблем со подморницата 18 минути пред разорната експлозија.
Додека автентичноста на тие транскрипти сè уште се доведува во прашање и оспорува, многумина велат дека содржината е веројатно вистинска со оглед на информациите што веќе ги дадоа експерти за Титан, вклучувајќи го и директорот на Титаник Џејмс Камерон.
Една корисничка на TikTok, која ја сподели снимката, рече дека не ја споделила само за лајкови.
„Чувствував дека ова е многу убедливо, без разлика дали документите се реални“, рече таа.
@theghostmoregirls #oceangate #titan #polarprince #titanic ♬ original sound – The GhostMore Girls
Дијалогот започнува во 7:52 часот, кога бродот им кажува на петте членови на екипажот на Титан дека се подготвени да се спуштат до потонатиот брод Титаник.
„Уживајте во вашето нуркање, господа“, им е кажано од „Polar Prince“, а потоа се упатени да извршат проверка на системот, по што добиваат зелено светло да продолжат.
„Сите системи функционираат нормално. Ние сме во добра форма. Продолжуваме со спуштање според планираното“, било соопштено во 8.34 часот.
Околу 15 минути подоцна било потврдено дека се е стабилно и дека спуштањето продолжува според планираното. По 75 минути спуштање, повторно им било кажано дека се е под контрола и да уживаат во возењето.
Но, само 10 минути после тоа, работите почнале да одат наопаку.
Според транскриптот, во 9:28 часот екипажот на Титан забележал аларм од системот за набљудување. Сите се согласиле дека треба да го напуштат спуштањето и да се вратат на површината. Сепак, искачувањето било многу побавно од очекуваното, а системот почнал да дава „целосни црвени предупредувања“.
Во 9.50 часот „Polar Prince“, наводно, рекол дека повеќе не добиваат комуникација од Титан и побарал ажурирање.
„Не те читаме. Одете до координатите за обновување. Кажете ни ако не слушнете’.
Преписот завршува во 9.57 часот со последната молба од бродот:
„Ве молам одговорете ако сте во можност“.
Во коментарите на ТикТок многумина ја изразија својата тага поради тоа низ што поминале петте патници на Титан.
„Знаеја дека се во неволја, замислете го тоа чувство на беспомошност. Слушањето на тие звуци сигурно било ужасно“, напишал еден корисник на таа социјална мрежа.
Сепак, овие транскрипти не се официјално потврдени, истакнува Indy100.com.
