СДС и власта не одговориле до сега ниту, пак, ЈО не покажа интерес дали зад 40 милиони евра договори не стои колегијалноста, т.е. пријателството можеби на Ковачевски со Марко Андонов од „Аитоникс“, истакна на денешната прес-конференција Наум Стоилковски, портпарол на ВМРО-ДПМНЕ.
„Од јавен интерес е да се одговори зошто се соборени сите рекорди во пари за тендери од ваков тип? Во три години 15 па 25 милиони евра за иста услуга? И зошто првпат беше воведена пракса вакви договори да се прават на три години? Како е можно секретарот на Владата да даде толкав тендер на колега на тогаш министер, а сега премиер, плус тоа сега и на странски дипломат? Владата во 2021 го прифаќа Андонов, колегата на Ковачевски, за дипломат, конзул на Грузија во Македонија и му отвора конзулат. Ваков тип договори, односно лиценци за програми, треба да овозможат и безбедност, а тоа се дава на странски дипломат?“, прашува Стоилковски.
Што тоа е подобрено во овие три години за да се плаќа 10 милиони евра повеќе? Сè што значи компјутер и администрација колабира во овие три години – од катастар, преку МВР, здравство, правда, судство, матична евиденција, онлајн-образование, додава портпаролот на ВМРО-ДПМНЕ.
„Може да молчат и молкот е потврда дека зад оваа зделка лежат можна корупција и можен криминал“, вели тој.
Макфакс
