Во израелските напади врз бегалскиот камп „Џабалија“ во северниот дел на Газа загинаа 90 Палестинци, соопшти Министерството за здравство во Газа.
На видеата објавени на Интернет на кои како што се вели, како последица од последниот израелски напад, може да се видат Палестинци како копаат низ урнатините со раце и лопати во потрага по преживеани, јавува Би-Би-Си.
Откако следеше еден од израелските напади врз овој камп минатиот месец, канцеларијата на ОН за човекови права објави дека „има сериозна загриженост дека станува збор за непропорционални напади кои би можеле да претставуваат воени злосторства“.
Од почетокот на конфликтот меѓу Израел и Хамас, израелските сили неколку пати го нападнаа бегалскиот камп „Џабалија“, пренесуваат медиумите во светот.
