Во саботата околу 17 часот избувна пожар во куќа во Аризона, во близина на границата со Невада, при што загинаа пет деца. Кога пламенот ја зафатил зградата во градот Булхед, децата биле сами дома и не можеле да избегаат.
Полицијата не ги објави имињата на жртвите, само нивната возраст.
Настрадаа деца на возраст од 2, 4, 5, 11 и 13 години. Четворица биле браќа и сестри, додека петтото дете било роднина на семејството.
Причината за пожарот засега е непозната, изјави Емили Фромелт, портпаролка на полициската управа на градот Булхед, а пренесува Дејли Мејл.
