Соединетите држави ја повикаа Србија да одговори на загриженоста на Организацијата за безбедност и соработка во Европа (ОБСЕ) во врска со нерегуларностите на изборите одржани во неделата. „Би сакале Србија да соработува со ОБСЕ и да одговори на нејзината загриженост“, изјави портпаролот на Стејт департментот Метју Милер.
„Неправилностите пријавени од ОБСЕ и другите набљудувачи на изборите мора да бидат истражени, а насилството врз изборните органи, новинарите и акредитираните набљудувачи е неприфатливо“, додаде тој. ОБСЕ, Европскиот парламент и Советот на Европа известија за „купување гласови“ и „полнење на гласачки кутии“ на изборите во неделата, на кои со големо мнозинство победи партијата на српскиот претседател Александар Вучиќ.
Германија, исто така, ги нарече неправилностите „неприфатливи“.
„Србија гласаше, но ОБСЕ пријави случаи на неовластено користење јавни средства, заплашување гласачи и купување гласови“, соопшти германското Министерство за надворешни работи.
„Ова е неприфатливо за земја која има статус на кандидат за членство во ЕУ.
