Максим Димитриевски на обвинителна клупа, вели случајот е фарса
![Димитриевски: Ковачевски не е добро информиран, објектот во Сопот е изграден на државно земјиште и е дивоградба](https://skopje1.mk/wp-content/uploads/2023/11/Димитриевски-Ковачевски-не-е-добро-информиран-објектот-во-Сопот-е.jpg)
Кумановскиот градоначалник Максим Димитриевски и кандидат за претседател, седна на обвинителна клупа.
Ова е прво рочиште во случајот во кој се товари дека не издал дозволи за градење за висококатници во Куманово.
За Димитриевски ова е монтиран случај, според него има стручно мислење од експерти за случајот, кое обвинителот не го зел предвид.
Обвинението против Димитриевски е по претходна кривична пријава од две кумановски фирми поради неиздавање градежна дозвола за изградба на висококатници, и покрај тоа што, како што се тврди биле исполенти сите законски услови за градба. Според бизнисмените Димитриевски не ги почитувал законите и одлуките на Уставниот суд. Тврдат дека со ваквите постапи претрпеле штета од 55 000 евра.
Рочиштетото против Димитриевски денеска беше одложено, бидејќи одбраната побара време за новите докази кои кумановското обвинителство ги предложи пред судот.
![](https://skopje1.mk/wp-content/uploads/2022/01/2222.png)