Смртоносен напад, најмалку 14 Палестинци загинаа
![](https://skopje1.mk/wp-content/uploads/2021/05/GAza.jpg)
Најмалку 14 Палестинци загинаа, а неколку се повредени во израелски воздушен напад врз бегалскиот камп Ал-Нусеират во централниот дел на Појасот Газа, објави во вторникот вечерта палестинската новинска агенција Вафа.
Израелски воени авиони нападнаа станбена зграда во кампот пред празникот Рамазан Бајрам, кој го означува крајот на месецот Рамазан, објавија палестинските власти.
Најмалку 33.360 Палестинци загинаа, а 75.993 беа ранети во нападите што Израел ги започна на 7 октомври во Појасот Газа, соопшти Министерството за здравство во Газа.
Според податоците на ОН, израелската војна доведе до внатрешно раселување на 85 отсто од населението во Газа поради акутен недостиг на храна, вода за пиење и лекови, додека 60 отсто од инфраструктурата на палестинската енклава е оштетена или уништена.
![](https://skopje1.mk/wp-content/uploads/2022/01/2222.png)