По повод Денот на културното наследство на УНЕСКО, започна дводневна конференција на тема: „Културното наследство и туризам – Меѓународни стандарди и локален развој“
![](https://skopje1.mk/wp-content/uploads/2024/04/Kulturno_nasledstvo_17042024001.jpg)
Денес во хотелот „Нова Ривиера“, по повод 18 април – Денот на културното наследство на УНЕСКО, започна дводневна конференција на тема: „Културното наследство и туризам – Меѓународни стандарди и локален развој“. Пред присутните амбасадори, професори и експерти, се обрати градоначалникот Кирил Пецаков.
Kulturno_nasledstvo_17042024002– Во името на градот домаќин и во свое лично име, Ви посакувам пријатен престој во Охрид и успешна и продуктивна работа. Уверен сум дека преку презентациите на научните согледувања и дебати, во текот на овие два дена, ќе придонесете во креирањето на нашите стратегии особено во областа на туризмот и заштитата на културното наследство.
Вредностите на овој древен град, во осумдесетите години од минатиот век ги препознала мегународната стручна јавност и на нивни предлог Охрид и Охридското Езеро, како природно и културно наследство од светско значење се заштитени од УНЕСКО.Тоа е голема чест, но и голема одговорност во пристапот на заштитата на вековното природно и културно богатство – истакна градоначалникот Пецаков.
Конференцијата тематски е поделена на четири дела: Потенцијалите и перспективите на културниот туризам, Капацитетите и потенцијалите на културното наследство, Културното наследство и локалниот развој и Меѓународни стандарди, соработка и брендирање.
![](https://skopje1.mk/wp-content/uploads/2022/01/2222.png)