Жена и дете загинаа во напад на украински беспилотни летала кај Белгород
![Новата година почна со бомби: Украина го гранатираше Доњецк, Русија – Одеса, Лавов, Николаев](https://skopje1.mk/wp-content/uploads/2024/01/Новата-година-почна-со-бомби-Украина-го-гранатираше-Доњецк-Русија.jpg)
Вооружените сили на Украина нападнаа неколку цели со беспилотни летала камикази во близина на рускиот пограничен град Белгород, а во нападот загинаа една жена и нејзиниот четиригодишен син, изјави гувернерот на Белгородската област Вјачеслав Гладков.
Тој изјави дека е извршен напад со дрон врз автомобил во кој имало возач и тројца патници – татко, мајка и дете, пренесува агенцијата ТАСС.
„Од повредите жената починала на лице место. Нејзиниот четиригодишен син им подлегнал на раните во болница“, изјави Гладков.
Во нападот полесно се повредени возачот и таткото на момчето.
Друг дрон нападна бензинска пумпа кај селото Бесоновка кај Белгород, предизвикувајќи пожар во резервоар за складирање гориво, кој брзо беше изгаснат, рече Гладков.
![](https://skopje1.mk/wp-content/uploads/2022/01/2222.png)