Подигнати 50 кубни метри непрописно одложен отпад во скопските општини Чаир и Ѓорче Петров
Од
Објавено на
Во текот на изминатото деноноќие, ЈП Комунална хигиена-Скопје реализираше низа активности за отстранување диви депонии во чиишто рамки се подигнати и транспортирани приближно 50 кубни метри непрописно одложен отпад.
Активностите се одвиваа на неколку локации во општината Ѓорче Петров – на улиците Борис Сарафов, Ѓорче Петров и Македонска војска, како и во општината Чаир- на булеварот Втора македонска бригада и на улицата Џон Кенеди.
Екипите на ЈП Комунална хигиена-Скопје во текот на минатата ноќ повторно интервенираа и на булеварот Никола Карев (Пластичарска улица) каде што е отстранета дива депонија лоцирана на аголот со улицата Максут Садик, во непосредна близина на Амбасадата на САД.
