Лидерот на ВМРО-ДПМНЕ Христијан Мицкоски вчера остварил средба со кандидатите за министри и заменици министри кои ги предложи партијата за техничката влада. На видеото го нема кандидатот за министер на МВР – Драган Ковачки, дали ова значи дека наследникот на Спасовски, ќе се држи во тајност до 3-ти јануари, последен ден кога и треба да биде изгласана техничката Влада. Видеото од средбата го објави на социјалната мрежа фејсбук и под него напиша:
„Ветив работа и жилава посветеност која мора да донесе реални резултати затоа што народот не смее да биде разочаран, а илјадници судбини чекаат подобри времиња и промени, заедно да работиме за Македонија која се обновува. Тоа е голема одговорност која ја прифаќам. За добар почеток на годината, на состанок со мојот кабинет и луѓето кои ќе имаат одговорна задача во Техничката влада да ја заштитат народната волја. Новата година носи надеж, шанса и промени кои ќе донесат обнова. Нека е среќна и бериќетна“, напиша Мицкоски.
https://www.facebook.com/MickoskiHristijan/videos/472152950344824/
