Адвокатот Драган Пешевски реагираше по информациите дека против пет лица приведени во Галичник, кај кои при претрес во шаторите била пронајдена марихуана, кокаин и таблети, ќе следува кривична пријава.
Пешевски во својата реакција го доведува во прашање сомнението дека станува збор за дрога наменета за продажба, имајќи предвид дека лицата престојувале во шатор, далеку од населено место.
„И сега уште на дечките ќе им стегнат кривична пријава по член 215 – држење заради продажба, затоа што отишле во вукојебина во шатор далеку од цивилизација за да продаваат. Готово, криминалот во државата е расчистен“, напиша Пешевски.
Тој иронично додава дека не е изненадување што случајот е една од главните вести во текот на викендот.
