AERO Street Food Festival 2026 – Паркот „Авионче“ ќе биде центар на уличната гастрономија и музиката

Од 4 до 8 септември, Аеродром повторно ќе биде центар на добрата храна, македонска музика и урбаната забава. Второто издание на AERO Street Food Festival пристигнува во уште поголем формат, со побогата гастрономска понуда, позвучна музичка програма и содржини наменети за посетители од сите генерации.

Во текот на петте фестивалски дена, посетителите ќе можат да уживаат во разновидни специјалитети подготвени од повеќе од 15 познати гастрономски брендови.

— реклама —

Од бургери, такоси и гиро, преку суши и разновидни интернационални специјалитети, па сè до десерти – годинашното издание носи значително побогата понуда и можност секој посетител да го пронајде својот омилен вкус.

AERO Street Food Festival и оваа година останува доследен на својата определба да им даде простор исклучиво на македонски изведувачи и да ја промовира домашната музичка сцена. На фестивалската бина ќе настапат познати музички имиња, бендови и диџеи, со програма што опфаќа повеќе жанрови и е наменета за различни генерации.

— реклама —

Секоја фестивалска вечер ќе понуди настапи на бендови во живо и диџеј-сетови, за што ќе се погрижат: South Park, Ringtones, Dopamine, Marbel, Acoustic Division со трибјут посветен на Владо Јаневски, Милан Серафимов, Александар Јорданов, „Јанко петел јаваше“, DJ Marko, DJ Vaso, DJ Rizinski, Fluere, DJ Guardian и DJ Ficho. Фестивалот ќе заврши со настап на диџеите од Sure Shotz и специјален трибјут посветен на ДНК.

— реклама —

Со спојот на квалитетна улична храна, македонска музика и одлична атмосфера, фестивалот има цел да создаде вистинска урбана приказна и препознатливо место за дружење на семејствата, младите и сите љубители на добрата забава.

Настанот е поддржан од Општина Аеродром и Град Скопје, кои ја препознаваат неговата улога во збогатувањето на културната и забавната понуда на градот, како и во поддршката на домашните изведувачи и локалната гастрономска сцена.

— реклама —

Од 4 до 8 септември нè очекуваат пет вечери исполнети со нови вкусови, македонска музика и незаборавна атмосфера. AERO Street Food Festival оваа година ќе биде поголем, позвучен и поразновиден од кога било досега!