Африка застана зад Инфантино во трката за четврти претседателски мандат во ФИФА

Африканската фудбалска конфедерација застана зад Џани Инфантино во трката за четврти мандат на чело на Светската фудбалска федерација (ФИФА). Претседателот на ЦАФ, Патрик Моцепе, изјави дека африканскиот континент ја поддржува кандидатурата на актуелниот претседател.

— реклама —

„Сите мораме да работиме заедно. Инфантино е многу добар и лојален пријател. Јасно кажавме дека го поддржуваме. Имавме многу добра средба во Советот на ФИФА“, изјави Моцепе на конгресот на ЦАФ.

— реклама —

— реклама —

Африка има 54 национални фудбалски сојузи, а претходно поддршка за нов мандат на Инфантино даде и Азија, која располага со 47 сојузи. ФИФА има вкупно 211 членки, па поддршката од двата континента му обезбедува значителна предност пред изборите закажани за март следната година.

Европската фудбалска унија (УЕФА) и КОНКАКАФ, која ги обединува фудбалските сојузи на Северна и Централна Америка и Карибите, се изјаснија против нов мандат за Швајцарецот.