Меѓународната агенција за атомска енергија (IAEA) изјави дека не регистрирала никакви „радиолошки“ ефекти од американските и израелските напади врз Иран или одмаздничките акции на Иран во други земји од регионот, иако не е наведено дали биле таргетирани иранските нуклеарни постројки.
IAEA внимателно го следи развојот на настаните на Блискиот исток и повикува на воздржаност за да се избегнат нуклеарни безбедносни ризици за луѓето во регионот. IAEA е во постојан контакт со земјите од регионот и до сега нема докази за какви било радиолошки ефекти, објави на X Меѓународната агенција за атомска енергија.
Соединетите Американски Држави и Израел нападнаа Иран, со што започна нов судир на Блискиот исток.
