Акција низ државата: 12 лица лишени од слобода поради поседување наркотични средства

Во текот на изминатото деноноќие, полициски службеници на повеќе локации низ државата лишиле од слобода 12 лица, откако кај нив била пронајдена дрога, информира Министерството за внатрешни работи.

— реклама —

Во гостиварското село Дебреше, полицијата ги привела Р.Д. (22), Д.Џ. (21) и А.С. (22), сите од Гостивар, откако при преглед на возило „Фолксваген“ била пронајдена марихуана.

— реклама —

Неколку часа подоцна, во Маврови Анови, биле приведени Е.С. (30) од Скопје и Т.А. (32) од Скопје, откако при контрола на возило „Сузуки“ во ранецот на Е.С. била пронајдена марихуана.

Во Скопје, на различни локации, полицијата привела повеќе лица кај кои биле пронајдени марихуана, бела прашкаста материја и бела грутчеста материја. На подрачјето на Бит Пазар биле приведени О.Б. (26) и А.Џ. (36), во Општина Аеродром Н.К. (18) и Т.Ј. (39) од Кавадарци, во Ѓорче Петров Ќ.Р. (33), а во Градскиот парк во Карпош бил приведен М.П. (19) од Србија.

— реклама —

Приведување е извршено и во Битола, каде што кај Р.Л. (51) била пронајдена бела прашкаста материја.

— реклама —

Од МВР информираат дека по целосно документирање на сите случаи, против лицата ќе бидат поднесени соодветни поднесоци согласно законските процедури.