„Ако дијаспората сака да гласа, нека дојде во Македонија на избори“, вели Галетановски

Советникот на СДСМ во Град Скопје, Ѓорѓи Галетановски – Чомбе, преку објава на социјалните мрежи го изнесе својот став за гласањето на дијаспората на изборите.

— реклама —

Според него, не е оправдано државата да сноси трошоци за организирање гласање за лица кои со години живеат во странство, плаќаат даноци во други држави и немаат директен контакт со секојдневниот живот во Македонија.

„А зошто дијаспората да гласа во Македонија? Заради некои што се отселиле со фамилија од пет колена наназад и плаќаат даноци во Австралија, Швајцарија и други држави, сега ќе водиме полемики, ќе се караме и ќе губиме време? Плус да се прават непотребни трошоци, а народот овде едвај врзува крај со крај“, напиша Галетановски.

— реклама —

Тој додава дека секој што сака да гласа може да дојде во Македонија за време на изборите.

— реклама —

„На кого му дошло до Македонија, нека дојде кога има избори, ќе потроши некое евро овде и ќе си гласа. Малку е нереално некој таму што зема 4.000 евра плата да му плаќаат гласање оние што останале тука да се борат со 400 евра месечно“, наведува Галетановски во својата објава.

— реклама —