Актерот Владо Јовановски револтиран: „Нема дизел – затоа што чекате поголем профит?“

Актерот Владо Јовановски јавно реагира на актуелната состојба со недостиг на гориво на бензинските пумпи, споделувајќи лично искуство од посета на пумпа на „Макпетрол“.

— реклама —

Тој раскажува дека отишол да ги напумпа гумите на своето возило и да наточи бензин во вредност од 1000 денари, за автомобилот кој, како што вели со доза хумор, е „скоро со ист датум роден како него“, произведен во 1999 година.

Додека бил на пумпата, зад него стоел човек кој побарал дизел гориво, но добил краток одговор од вработените дека дизел нема.

— реклама —

„Зад мене некој бараше дизел. ‘Нема бе’, беше одговорот. А зошто нема? Затоа што сакате поголем профит по 24 часот во понеделник или...?“, прашува Јовановски.

— реклама —

Тој нагласува дека во вакви кризни ситуации не треба само Владата да обезбедува субвенции и помош за граѓаните, туку и компаниите кои остваруваат профит да покажат општествена одговорност.

„Не треба само Владата на Македонија да дава субвенции како помош за граѓаните во вакви кризни состојби. Треба и вие, на кои ви се полнат џебовите, да бидете општествено одговорни“, порача актерот.

На крајот од реакцијата, Јовановски кусо ја оцени состојбата со зборот: „Срамота“.