Албанец осомничен дека водел група од 10 турски мигранти за илегално преминување на границата

Полициски службеници од Полициската станица за граничен надзор и гранична контрола Богородица спречиле обид за илегално преминување на државната граница.

— реклама —

Како што информира Министерството за внатрешни работи, денеска (30.08.2026) околу 00:40 часот, при преземањето мерки и активности, од слобода бил лишен М.А. (42) од Република Албанија, за кого постои сомнение дека бил водич на група од 10 турски државјани, на возраст од 15 до 61 година.

— реклама —

Според информациите од МВР, групата имала намера илегално да ја премине државната граница.

— реклама —

Албанскиот државјанин е задржан во Полициската станица од општа надлежност Гевгелија, додека десетте турски државјани се задржани во Полициската станица за граничен надзор и гранична контрола Богородица.

— реклама —

Од МВР информираат дека турските државјани ќе бидат изведени пред надлежен суд, а по целосно документирање на случајот ќе следува соодветна постапка.